Los nuesus equipus: La Virgen del Camino

 Aproveitandu que xustu'l día 15 de setiembre celebrase'l Día la Virxen el Caminu, vamus entamar falandu de los nuesus equipus con el equipu d'esi llugar: el CD La Virgen del Camino.

Escudu

Comu diximus, el CD Virgen del Camino ye'l equipu propiu del pueblu del mesmu nome (en llionés, Virxen el Caminu). Fundáronlu nel añu 1998, xugandu la mayoría de las temporadas na Terceira División. Hogañu, l'equipu xuega na recién feita categoría de Terceira R.F.E.F. (3ª R.F.E.F.), nel Grupu 8, onde xuegan los outrus equipus de la Rexión Llionesa de la categoría. 

La sua vestimienta ye asina: camiseta a rayas brancas y verdes; pantalón verde y medias a rayas verdes y brancas.

El sou campu de xuegu ye'l campu Los Dominicus (Estadio Municipal Los Dominicos), con capacidá pa 1.500 presonas.

Entri los sous títulus tenemus de destacar una Supercopa Llionesa.

Dendi la Fueya Futbolera Llionesa deseámus-les muita suerte nesta nueva temporada.

Semeya del equipu de la Virgen del Caminu nel añu 2019
(semeya recoyía de DeportesÁvila.es)

Pa saber más:

- Web CD La Virgen del Camino

- Artículu de la Wikipedia alredor l'equipu la Virgen del Camino